काठमाण्डौ ।  हङकङ सिक्सेस क्रिकेटको उपाधि श्रीलङ्काले जितेको छ । आज सम्पन्न फाइनलमा श्रीलङ्काले पाकिस्तानलाई तीन विकेट हराउँदै उपाधि जितेको हो ।

टस हारेर पहिलो ब्याटिङको निम्तो पाएको पाकिस्तान पाँच ओभर दुई बलमा ७२ रन बनाएर अलआउट भयो । ७३ रनको लक्ष्य पछ्याएको श्रीलङ्काले पाँच ओभरमा तीन विकेटमा जीत हासिल गर्‍याे । प्रतियोगिताको सेमिफाइनलमा पाकिस्तानले अष्ट्रेलिया तथा श्रीलङ्काले बङ्गलादेशलाई हराउँदै फाइनलमा पुगेका हुन् ।

प्रतियोगितामा नेपाल क्वाटरफाइनलमा श्रीलङ्का तथा प्लेट सेमिफाइनलमा यूएईसँग पराजित भएको थियो । नेपालले समूह चरणमा भने इङ्गल्याण्ड र अष्ट्रेलियालाई हराउँदै समूह विजेता बनेको थियो ।