अछाममा असईले आफैमाथि चलाए गोली

काठमाडौं । अछाममा असईले आफैमाथि गोली चलाएका छन्। तुर्माखाद गाउँपालिका–६ भैरवस्थान प्रहरी चौकीमा कार्यरत ४५ वर्षीय प्रहरी सहायक निरीक्षक (असई) किसन चन्दले आफैमाथि गोली चलाएका हुन्।

चन्दले आफैंले बोकेको पेस्तोलले बायाँ छातीको माथिल्लो भागमा प्रहार गरेको डीएसपी भण्डारीले जानकारी दिए । चन्दले बिहीबार राति साढे ९ बजेतिर प्रहरी चौकीमै आफैंमाथि गोली प्रहार गरेको पाइएको डीएसपी भण्डारीले पुष्टि गरे ।

चन्दको बाँकेको कोहलपुर मेडिकल कलेजमा उपचार भइरहेको जानकारी दिए । चन्दले गोली प्रहार गर्नुको कारण नखुलेको बताउँदै डीएसपी भण्डारीले छानबिन समितिले अध्ययन गरेपछि धेरै कुरा खुल्ने बताए ।