शनिबार २३ चैत २०८१
बिश्वो

ओली–मोदी कूटनीतिक संवाद आज हुँदै

शुक्रबार चैत २२, २०८१/ Friday 04-04-25

काठमाडौं। बिम्स्टेकको छैटौँ शिखर सम्मेलनमा सहभागी हुन थाइल्याण्डको बैंकक पुगेका प्रधानमन्त्री केपी ओली र भारतीय प्रधानमन्त्री नरेन्द्र मोदीबीच आज भेटवार्ता हुँदैछ।

शिखर सम्मेलनको सन्दर्भमा अपराह्न ४ बजे बैंककस्थित म्याण्डारिन ओरियन्टल होटलमा दुई नेताबीच साइडलाइन वार्ता तय भएको हो। मोदी सोही होटलमा बसेका छन्।

नेपाली पक्षबाट परराष्ट्रमन्त्री डा. आरजु राणा, प्रमुख सल्लाहकार विष्णु रिमाल, सल्लाहकार डा. युवराज खतिवडा, मुख्यसचिव एकनारायण अर्याल र परराष्ट्र सचिव अमृत राई सहभागी हुनेछन्।

यसअघि दुबै नेता न्युयोर्कमा संयुक्त राष्ट्रसंघ महासभाको क्रममा भेटेका थिए। प्रधानमन्त्री नियुक्त भएपछिको यो दोस्रो भेट हो, यद्यपि भारतले ओलीलाई भ्रमणको निम्तो दिएको छैन। ओलीले भने मोदीलाई नेपाल भ्रमणको निम्तो दिइसकेका छन्।

 

तपाईको प्रतिक्रिया