सोमबार ७ जेठ २०८१
खेलकुद

क्यानको अध्यक्षमा चन्द पुनः निर्वाचित

शनिबार असोज ६, २०८०/ Saturday 09-23-23

काठमाडौँ। नेपाल क्रिकेट सङ्घ (क्यान)को अध्यक्ष पदमा चतुरबहादुर चन्द निर्विरोध निर्वाचित भएका छन् । 

क्यानको आज भएको निर्वाचनमा चन्द पुनः अध्यक्षपदमा निर्वाचित भएका हुन् । सङ्घको उपाध्यक्षमा रोशन सिंह र कोषाध्यक्षमा कर्णाली प्रदेश क्रिकेट सङ्घका अध्यक्ष पद्म खड्का निर्विरोध निर्वाचित भएका हुन् । 

महिला सदस्यमा जयन्ती भट्ट निर्विरोध निर्वाचित भए। सदस्य पदमा लुम्बिनी प्रदेशबाट प्रदीप मजगैँया र कर्णालीका श्रीधर केसी पनि सर्वसम्मत चयन भए। 

क्यानको सचिव पदका लागि नेपाली क्रिकेट टोलीका पूर्वकप्तान पारस खड्का र कार्यवाहक सचिव प्रशान्तविक्रम मल्लबीच प्रतिस्पर्धा भइरहेको छ । उनीहरुबीच अहिले मतदान भइरहेको छ । 

त्यस्तै पाँच प्रदेशबाट चयन हुने एक-एक जना सदस्यका लागि कूल १० जनाको उम्मेदवारी परेको छ । खुलातर्फका पाँच जनाका लागि १३ जनाको उम्मेदवारी परेको छ । क्यानको निर्वाचनमा ८५ जनाले मतदान गर्नेछन् । 

 

तपाईको प्रतिक्रिया