दैलेख । राष्ट्रिय स्वतन्त्र पार्टी (रास्वपा) ले मंसिर १६ को उपनिर्वाचनमा प्रकाश बुढालाई दैलेखको महाबु गाउँपालिकाको अध्यक्ष पदको उम्मेदवार बनाउने भएको छ ।

रास्वपाको जिल्ला समिति बैठकले जेसीआई दैलेखको अध्यक्ष रहेका प्रकाश बुढालाई पार्टीको उम्मेदवार बनाउने निर्णय गरेको हो । रास्वपाले दैलेखकै दुल्लु नगरपालिका–१३ को वडाध्यक्ष पदको उम्मेदवार रामबहादुर शाहीलाई बनाएको छ ।

उपनिर्वाचनका लागि महावु गाउपालिका अध्यक्ष पदका लागि नेपाली कांग्रेसबाट झलकबहादुर भण्डारी, नेकपा माओवादी केन्द्रबाट जङ्गबहादुर रावल अध्यक्षा पदका उम्मेदवार छन् । नेकपा एमाले, एकीकृत समाजवादी लगायत दलले भने उम्मेदवार टुंगो लगाईसकेका छैनन् ।