बढ्यो नेप्से, घट्यो कारोबार रकम

काठमाडौं । सेयर बजारमा एकल अंकले सुधार आएको छ।धितोपत्र दोस्रो बजार मापक नेप्से परिसूचक ९.०९ अंकले बढेर २७११.७५ विन्दुमा बन्द भएको छ । बुधबार नेप्से परिसूचक बढे पनि कारोबार रकममा भने कमी आएको छ ।

नेप्से बढेपनि कारोबार रकम भने मंगलबारको तुलनामा कम भएको छ।  यसदिन ३२३ स्क्रिप्सको १ रोड ५४ लाख  ६४ हजार ५५२ कित्ता सेयर ७ अर्ब ९ करोड २८ लाख ७९ हजार ९४६ रुपैयाँमा कारोबार भयो। मंगलबार १० अर्ब ४६ करोडको सेयर कारोबार भएको थियो।

नेप्से एकल अंकले बढेपनि ७ वटा कम्पनीको सेयर सकारात्मक सर्किट लेभलमा कारोबार भयो। कर्पोरेट डेभलपमेन्ट बैंक,सिन्धु विकास बैंक,नेपाल हाइड्रोपावर डेभलपमेन्ट,सप्तकोशी डेभलपमेन्ट बैंक,महिला लघुवित्त वित्तीय संस्था,कर्णाली डेभलपमेन्ट बैंक र जानकाी फाइनान्सको सेयर १० प्रतिशतले बढेको हो।

आज गुराँस लघुवित्त वित्तीय संस्थाका लगानीकर्ताले भने सर्वाधिक गुमाए। सो कम्पनीको सेयर १० प्रतिशतले ओरालो लाग्यो। आठवटा समूहको उपसूचक बढ्दा ५ वटाको उपसूचक भने नकारात्मक देखिएका छन्। डेभलपमेन्ट बैंकको उपसूचक सर्वाधिक ३.३८  प्रतिशतले बढ्यो।

कारोबारमा आएकामध्ये १४३ वटा स्टक्सको मूल्य बढ्दा ८९ वटाको घट्यो। बाँकी ११ वटाको मूल्य भने स्थिर रह्यो।