काठमाडौं । नेपाल प्रिमियर लिग (एनपिएल)को फाइनल खेल हेर्न नेकपा माओवादी केन्द्रका अध्यक्ष पुष्पकमल दाहालसहितका नेताहरू कीर्तिपुर पुगेका छन् ।

कीर्तिपुरस्थित त्रिभुवन विश्वविद्यालयको क्रिकेट मैदानमा यतिवेला एनपिएलको उपाधिको लागि सुदूरपश्चिम रोयल्स र जनकपुर बोल्ट्स भिडिरहेका छन् । 

फाइनल खेल हेर्न गृहमन्त्री रमेश लेखक पनि पुगेका छन् । सुदूरपश्चिमका मुख्यमन्त्री कमलबहादुर शाह, सामाजिक विकास मन्त्री मेघराज खड्का, पूर्वमन्त्री एवं प्रदेश सभा सदस्य प्रकाशबहादुर देउवालगायतका नेताहरू शनिबार त्रिवि क्रिकेट मैदान रंगशालामा पुगेका हुन् ।