काठमाडौँ । त्रिभुवन विश्वविद्यालयको केन्द्रीय क्याम्पस (प्रिन्सिपल कार्यालय) को प्रमुखका लागि दुई जनाको मात्रै आवेदन परेको छ ।

शिक्षाध्यक्षको कार्यालयले पुस २८ गते पहिलो पटक सात दिने सार्वजनिक सूचना जारी गर्दै आवेदन माग गरेको थियो । तोकिएको समयभित्र २ जनाको मात्रै आवेदन परेको हो ।

जस अनुसार अक्कलदेव मिश्र र उद्धव सिग्देलको मात्रै उम्मेदवारी परेपछि सिफारिस समितिले अब दुई जनालाई नियुक्तिका लागि सिफारिस गर्ने भएको छ ।

केन्द्रीय क्याम्पसमा ६ हजार बढी विद्यार्थी अध्ययनरत रहेका छन् । हालै अखिल क्रान्तिकारीसहित ५ विद्यार्थी सङ्गठनले डेढ महिना प्रिन्सिपलको कार्यालयमा तालाबन्दी गरेका थिए ।