
काठमाडौं। एएफसी एसियन कप २०२७ छनोटको अन्तिम चरणअन्तर्गत नेपालले आज मलेसियासँग प्रतिस्पर्धा गर्दैछ। खेल नेपाली समयअनुसार राति ७:४५ बजे मलेसियाको ब्राहिम सुल्तान स्टेडियममा सुरु हुनेछ।
नेपाल अहिलेसम्म मलेसियालाई हराउन सकेको छैन। हालसम्म भएका सात खेलमध्ये नेपाल छ खेलमा पराजित भएको छ भने एक खेल बराबरीमा सकिएको छ।
मुख्य प्रशिक्षक म्याट रोसले नेपाली टोली जितका लागि मैदानमा उत्रने बताएका छन्। फिफा वरियतामा मलेसिया १३२औं र नेपाल १७५औं स्थानमा छन्।
नेपाल समूह ‘एफ’ मा मलेसिया, भियतनाम र लाओससँग प्रतिस्पर्धा गर्दैछ। समूह विजेताले एसियन कप खेल्नेछ।
तपाईको प्रतिक्रिया