काठमाडौँ । राष्ट्रिय प्रजातान्त्रिक पार्टी (राप्रपा)ले केन्द्रीय कार्यसम्पादन समितिको बैठक बोलाएको छ । बैठक दिउसो ३ बजे पार्टी केन्द्रीय कार्यालय धुम्बाराहीमा बस्नेछ ।

वर्तमान परिस्थितिको समीक्षा गर्न र पार्टीको धारणा तय गर्न कार्यसम्पादन समितिको बैठक बोलाइएको हो । 

शुक्रबार तीनकुनेमा राजसंस्था पुनर्स्थापनाका लागि दुर्गा प्रसाईं नेतृत्वमा प्रदर्शनका क्रममा आगजनी र तोडफोड तथा लुटपाट भएको थियो। सो प्रकरणपछि पार्टीका वरिष्ठ उपाध्यक्ष रवीन्द्र मिश्र र महामन्त्री धवलशमशेर जवरा पक्राउ परेका छन् । 

मिश्र र राणा नवराज सुवेदी नेतृत्वको 'संयुक्त जनआन्दोलन समिति' मा पनि सरिक छन्। प्रसाईंले तीनकुनेमा गरेको कार्यक्रमलाई राप्रपालगायत राजसंस्था पुनर्स्थापनाको एजेन्डा लिएका दलहरूले पनि समर्थन जनाएका थिए।