काठमाडौं । सरकारले आन्दोलनरत शिक्षकहरूलाई वार्तामा बोलाएको छ ।

शिक्षा, विज्ञान तथा प्रविधि मन्त्रालयले बिहीबार विज्ञप्तिमार्फत काठमाडौं केन्द्रित आन्दोलन गरिरहेका शिक्षकहरूलाई वार्तामा बोलाएको हो ।

विद्यालय शिक्षा सम्बन्धी कानूनलाई संशोधन र एकीकरण गर्न बनेको विधेयक, २०८० प्रतिनिधि सभामा पेस भइसकेको छ। उक्त विधेयक छलफलको प्रक्रियामा रहेकाले त्यसलाई यथाशीघ्र पारित गर्न माग राख्दै सामुदायिक विद्यालयका कार्यरत शिक्षकहरू आन्दोलनमा गरिरहेका छन्। 

'विधेयक संसदमा पेस हुने, छलफल हुने र स्वीकृत हुने विधायकी प्रक्रिय सम्बन्धमा निश्चित कानुनी बन्दोबस्त रहेका छन् र सबैलाई यसको जानकारी पनि छ। तथापि, शिक्षक समुदायसँग विगतझैं फेरि पनि सान्दर्भिक छलफल गर्न साझा धारण निर्माण गर्न सरकार तयार छ, यसका लागि शिक्षक तथा कर्मचारीहरूलाई मन्त्रालयमा स्वागत गर्दछौं,' विज्ञप्तिमा भनिएको छ।