बिश्वो
कोटाविरोधी आन्दोलन दबाउन बंगलादेशमा देशभर सैन्य कर्फ्यु
शनिबार श्रावण ५, २०८१/ Saturday 07-20-24
![](https://deshdainik.com/uploads/news/images/IMG_2243.2024-07-20-03-54-45.jpeg)
काठमाडौं । बंगलादेशमा जारी सरकारी जागिरको कोटाविरोधी प्रदर्शन दबाउन सेनाले कर्फ्यु जारी गरेको छ । जर्मनीको विश्व च्यानल डीडब्ल्यूका अनुसार आइतबार बिहान १० बजेसम्म यस्तो उर्दी जारी गरिएको छ ।
कोटाविरोधी प्रदर्शनहरुमा बंगलादेशका कम्तीमा १५० को मृत्यु भएको बताइएको छ । शनिबार सरसामान किन्न केही घण्टा खुकुलो बनाइएको कर्फ्युलाई अहिले पुनः कडाइ गरिएको छ ।
यस्तै बंगलादेशमा इन्टरनेट र इन्टरनेटबाट सञ्चालन हुने म्यासेजिङ सेवाहरु पनि बन्द गरिएको छ । शुक्रबार प्रदर्शनकारीहरुले एक जेल तोडेर ८५० कैदी निकालेर आगो लगाएका थिए ।
सरकारी टेलिभिजनको समाचारसँग असन्तुष्ट समूहले बिहीबार टेलिभिजनमा आगजनी पनि गरेका थिए । बंगलादेशमा लागू भएको ५६ प्रतिशत कोटा घटाएर १० प्रतिशतमा झार्नुपर्ने भन्दै अहिले आन्दोलन चर्किएको छ ।
तपाईको प्रतिक्रिया