भोलिदेखि सिस्ने खोला क्षेत्रमा राजमार्ग आंशिक बन्द हुने

काठमाडौं । नागढुंगा सुरुङ मार्गको पश्चिमी पोर्टल अन्तर्गत धादिङ जिल्लाको सिस्ने खोला क्षेत्रमा बिहीबारदेखि राजमार्ग आंशिक रुपमा बन्द गरिने भएको छ ।

नागढुंगा सुरुङमार्ग निर्माण आयोजनाले सिस्ने खोला क्षेत्रमा स्लोप कटिङको काम गर्ने भएकोले बिहान ११ बजेदेखि दिउँसो २ बजेसम्म सडकको दुईतर्फी २० मिनेट बन्द र २० मिनेट खुला राखेर यातायात व्यवस्थापन गरिनेछ।

यस अवधिमा एम्बुलेन्स र सुरक्षा निकायका सवारीबाहेक अन्य सवारीसाधनको आवागमनमा आंशिक रोक लगाइने सहायक प्रमुख जिल्ला अधिकारी युवराज अर्यालले जानकारी दिनुभएको छ।