काठमाडौं । लगातार झरेको सेयर बजार बुधबार १७.२८ अंक बढेको छ । सो वृद्धिपछि नेप्से २७३६ अंकमा कायम भएको छ । बजार बढ्दा पनि कारोबार रकम सामान्य घटेको छ । अघिल्लो दिन ८ अर्ब ३९ करोडको कारोबार भएकोमा आज ८ अर्ब २३ करोडको भयो ।

पछिल्ला सात कारोबार दिनमा नेप्से १७१ अंकले घटेको थियो । आठ कारोबार दिनअघिको नेप्से परिसूचक २८९० विन्दुमा थियो । तर, बजार निरन्तर सात कारोबार दिन घट्यो ।

आज कारोबारमा आएका १३ समूहको परिसूचकमध्ये विकास बैंक र माइक्रोफाइनान्स समूहको परिसूचक घटेको छ । बाँकी ११ समूहको परिसूचक बढेको छ ।

यस दिन १४६ कम्पनीको सेयर मूल्य बढेको छ । ८८ कम्पनीको सेयर मूल्य घटेकार छ । १० कम्पनीको सेयर मूल्य स्थिर छ । आज विन नेपाल लघुवित्त वित्तीय संस्थाको सेयर मूल्य १० प्रतिशतले घटेको छ ।

पिपुल्स हाइड्रोपावर कम्पनीको सेयर मूल्य ९.७९ प्रतिशतले वृद्धि भएको छ । प्रभु इन्स्योरेन्सको सेयर मूल्य ७.८९ प्रतिशतले वृद्धि भएको छ ।