काठमाडौं। नेकपा (माओवादी केन्द्र)का अध्यक्ष पुष्कमल दाहाल 'प्रचण्ड'ले  नेपाली जनता र राजनीतिक दललाई कमजोरी ठानेर इतिहासमा फर्कने दुस्साहस नगर्न आग्रह गरेका छन् ।

समाजवादी मोर्चाले गरेको कार्यक्रममा उनले इतिहासलाई पछाडि फर्काउने दुस्साहस नगर्न चेतावनी दिए । “नेपाली जनताको र नेपाली राजनीतिक दलको उदारतालाई कमजोरी ठानेर इतिहासलाई पछाडि फर्काउने दुस्साहस नगरियोस्,” प्रचण्डले भने ।
 
उनले ज्ञानेन्द्रले धेरै गल्ती गरेकाले त्यसको परिणाम भोगिरहेको बताए । “अब अर्को गल्ती गरे भने उनले भोग्न केही पनि बाँकी रहँदैनन् । खबरदार,” उनले भने ।