काठमाडौं । बुधबार नेप्से परिसूचक दोहारो अंकले बढेको छ। नेप्से २५.३१ अंकले बढेर २७०१.४८ विन्दुमा बन्द भएको छ। यस दिन कारोबार रकममा भने गिरावट आएको छ। 

यस दिन १६६ कम्पनीको सेयरमूल्य वृद्धि भएको छ । यस्तै, ७८ कम्पनीको सेयरमूल्य घटेको छ ।

आज विशाल बजार कम्पनी र सेन्ट्रल फाइनान्सको सेयरमूल्य १० प्रतिशतले बढेको छ । यस दिन पाँच अर्ब ४४ करोड ४४ लाख रुपैयाँको सेयर खरिदबिक्री भएको छ ।

कारोबारमा आएका १३ समूहमध्ये उत्पादन तथा प्रशोधन र निर्जीवन बिमा समूहको परिसूचक घटेको छ । आज उत्पादन तथा प्रशोधन समूहको परिसूचक १.४७ प्रतिशत र निर्जीवन बिमा समूहको परिसूचक ०.२६ प्रतिशतले घटेको नेपाल स्टक एक्सचेन्ज (नेप्से)ले जनाएको छ ।

व्यापार समूहका विशाल बजार र साल्ट ट्रेडिङ कर्पाेरेसनको सेयरमूल्य बढेसँगै यस समूहको परिसूचक समग्रमा ९.४४ प्रतिशतले वृद्धि भएको छ ।