बाजुराको नाटेश्वरी मन्दिर

काठमाडौं । आज चैत्र शुक्ल अष्टमीका दिन चैते दशैं देशभर मनाइँदैछ। नवदुर्गाको पूजाआराधनासँगै शक्तिपीठ र देवी मन्दिरहरूमा भक्तजनको भीड लाग्ने गर्दछ।

वसन्तीय नवरात्रको आठौं दिन मनाइने यो पर्व शारदीय दशैंपछि दोस्रो ठूलो दशैं मानिन्छ। संस्कृतिविद् विनोदराज शर्माका अनुसार मध्यकालीन नेपालमा शारदीय, वसन्तीय, ग्रीष्मकालीन र शिशिरकालीन गरी चार प्रकारका दशैं धुमधामले मनाइन्थ्यो। हाल शारदीय र वसन्तीय दशैं मात्र प्रचलनमा छन्।

हाल पनि कुभिण्डो, बिमिरो, उखु, अदुवा र मुला क्रमशः राँगा, बोका, कुखुरा, हाँस र भेँडाको प्रतीकका रूपमा देवीलाई सात्विक पञ्चबली चढाउने परम्परा कायमै छ।