चलचित्र ‘जय हो’का कलाकार जेभियर इन्टरनेशनल कलेजमा

काठमाडौं । आगामी भदौ ८ मा देशैभर प्रसारण हुन लागेको चलचित्र ‘जय हो’ को प्रचारप्रसारका लागि कलाकारहरु कालोपुलस्थित जेभियर इन्टरनेशनल कलेजमा पुगेका छन् ।

कलाकारहरु केकी अधिकारी, सलोन बस्नेत र सोभित बस्नेतलगायतको टोली कलेज पुगेका हुन् ।

कलाकारहरुले कक्षा ११ मा नयाँ भर्ना भएका विद्यार्थीहरुको पहिलो दिनको अवसरमा नयाँ शैक्षिक यात्राको शुभकामना समेत दिएका थिए ।

‘जय हो’को टीमले आफ्नो चलचित्रको प्रचारमा देशैभरी लागिरहेको बेला सर्वोत्कृष्ट विद्यार्थीहर्को केन्द्रको रुपमा रहेको जेभियरमा पुगेको हो ।

यसवर्ष जेभियर इन्टरनेशनल कलेज स्थापनापछिकै सबैभन्दा बढी १५ सय विद्यार्थी कक्षा ११ मा भर्ना समेत भएका छन् । तीमध्ये ७ जना जीपीए ४ ल्याउने सर्वोत्कृष्ट विद्यार्थीसमेत छन् ।

जेभियरले इतिहासकै सबैभन्दा बढी विद्यार्थी भर्ना भएको वर्षको रुपमा लिएर नयाँ ढंगले विद्यार्थीमा अभिमुखीकरण समेत गरिसकेको छ ।

यसअघि पनि जेभियरले नयाँ विद्यार्थीलाई मनोरञ्जन दिने हेतुले सांस्कृतिक तथा रचनात्मक कार्यक्रमहरू समेत गरिरहेको छ ।