रसुवाबाट २ किलो सुनसहित एकजना पक्राउ

काठमाडौं । रसुवामा करिब दुई किलो सुनसहित एक जना पक्राउ परेका छन्। प्रहरीले रसुवाको कालिका गाउँपालिका–१ ग्राङबाट २ किलो सुनसहित कर्मा सोनाम लामालाई पक्राउ गरेको हो ।

गोसाइँकुण्ड गाउँपालिका–३ ब्रिद्धिमका ३४ वर्षीय लामालाई हिजो (बिहीबार) साँझ प्रहरीले सुनसहित पक्राउ गरेको थियो ।

अस्थायी प्रहरी पोष्ट ग्राङबाट खटिएको प्रहरीले कालिकातर्फ जाँदै गरेको बागमती प्रदेश ०२-०४३ प २४३४ नम्बरको मोटरसाइकललाई जाँच गर्ने क्रममा मोटरसाइकलमा सवार लामाले लगाएको दुवै जुत्ताभित्र लुकाई छिपाई ल्याएको उक्त धातु फेला पारी पक्राउ गरेको हो।

यस सम्बन्धमा प्रहरीले आवश्यक अनुसन्धान गरिरहेको छ।