काठमाडौं । निर्देशक निश्चल बस्नेतलाई मातृ शोक परेको छ। ७१ वर्षको उमेरमा निश्चलकी आमा अमृता बस्नेतको बुधबार निधन भएको हो ।

अमृताको मिर्गौला फेल भएपछि १५ वर्षयता डाइलाइसिस गरेर उपचाररत थिइन् । पछिल्लो पटक निमोनियाबाट संक्रमित उनको स्वास्थ्य अवस्था जटिल बनेर ओम अस्पतालमा उपचारका लागि भर्ना गरिएको थियो।

उनको पार्थिव शरीरलाई बुधबार नै पशुपति आर्यघाटमा दाहसंस्कार गरिने परिवारका सदस्यले जानकारी दिएका छन् ।