वार्तामा नआए इरानले गम्भीर परिणाम भोग्नुपर्नेछः ट्रम्प

काठमाडौं। पूर्व अमेरिकी राष्ट्रपति डोनाल्ड ट्रम्पले इरानसँगको युद्धविराम विस्तार हुने सम्भावना “धेरै असम्भव” रहेको बताएका छन्। उनले इरानलाई तत्काल वार्तामा आउन चेतावनी दिँदै अन्यथा गम्भीर परिणाम भोग्नुपर्ने बताएका छन्।

अन्तर्राष्ट्रिय समाचार संस्था सिएनएनका अनुसार उपराष्ट्रपति जे. डी. भान्ससहितका अमेरिकी अधिकारीहरू थप वार्ताका लागि पाकिस्तान जान सक्ने तयारीमा छन्। तर इरानले औपचारिक वार्ता नभएको बताउँदै दबाबमा सम्झौता नगर्ने अडान दोहोर्याएको छ।

यसैबीच, अमेरिकाले इरानमाथि लगाएको समुद्री नाकाबन्दी जारी राख्ने घोषणा गरेको छ भने क्षेत्रीय रूपमा सैन्य गतिविधि पनि बढ्दो अवस्थामा रहेको छ।