काठमाडौं।  प्रतिनिधिसभा अन्तर्गतको पूर्वाधार विकास समितिले राष्ट्रिय गौरवका आयोजनाको अवस्था, समस्या र समाधान अध्ययन गर्न उपसमिति गठन गरेको छ।

सांसद श्रीराम न्यौपानेको संयोजकत्वमा सात सदस्यीय उपसमिति बनाइएको छ। उपसमितिले आयोजनाको भौतिक तथा वित्तीय प्रगति, समस्या र समाधानबारे अध्ययन गरी प्रतिवेदन दिनेछ।

बैठकमा आयोजनाहरूमा वित्तीय समस्या, निर्माण व्यवसायीको क्षमता र कानुनी जटिलताका कारण ढिलाइ भइरहेको जानकारी दिइएको छ।

त्यसैगरी सांसद राजेन्द्र राईको संयोजकत्वमा कार्यविधि मस्यौदा उपसमिति पनि गठन गरिएको छ, जसलाई ७ दिनभित्र प्रतिवेदन बुझाउन समय दिइएको छ।