काठमाडौं । सहरको व्यस्त जीवनशैली, कामको चाप र बढ्दो मानसिक तनावबीच अहिले धेरै मानिसहरू स्वास्थ्यसँगै मनोरञ्जन दिने गतिविधितर्फ आकर्षित भइरहेका छन् । पछिल्ला वर्षहरूमा फिटनेसको नयाँ ट्रेन्डका रूपमा उदाएको “एक्वा जुम्बा” ले काठमाडौंमा पनि तीव्र लोकप्रियता हासिल गरिरहेको छ ।

पानीभित्र संगीतको तालमा गरिने यो विशेष फिटनेस गतिविधिले शरीरलाई तन्दुरुस्त राख्नुका साथै मानसिक रूपमा पनि ताजापन दिने भएकाले युवापुस्तादेखि गृहिणीसम्म यसको आकर्षण बढ्दो छ । यही बढ्दो क्रेजबीच तार्केश्वर नगरपालिका–८, मनमैजुमा रहेको टुसाल मल्टिभेन्यू अहिले एक्वा जुम्बा तथा विभिन्न फिटनेस र मनोरञ्जनात्मक कार्यक्रमहरूको प्रमुख गन्तव्यका रूपमा स्थापित हुँदै गएको छ।

हालै कपनस्थित प्लानेट फिटनेसले टुसाल मल्टिभेन्यूमा आयोजना गरेको एक्वा जुम्बा कार्यक्रमले त्यहाँको वातावरणलाई पूर्ण रूपमा उत्साहमय बनाएको थियो । स्विमिङ पुलभित्र सहभागीहरू संगीतको तालमा नाच्दै व्यायाम गरिरहेका दृश्यले कार्यक्रमलाई जीवन्त मात्र बनाएन, टुसाल मल्टिभेन्यूलाई फिटनेस र फनको ‘पर्फेक्ट भेन्यू’ का रूपमा अझ चिनायो ।

किन बढ्दो छ एक्वा जुम्बाको आकर्षण?

स्वास्थ्य विज्ञहरूका अनुसार एक्वा जुम्बा सामान्य व्यायामभन्दा फरक र प्रभावकारी अभ्यास हो । पानीको प्रतिरोधका कारण शरीरका मांसपेशी सक्रिय हुन्छन्, क्यालोरी छिटो बर्न हुन्छ, शरीर लचिलो बन्छ र तनाव कम गर्न मद्दत पुग्छ । विशेषगरी घुँडा तथा जोर्नीसम्बन्धी समस्या भएका व्यक्तिहरूका लागि यो सुरक्षित र उपयोगी व्यायाम मानिन्छ ।

सहभागीहरूका अनुसार पानीभित्र संगीतसँगै गरिने व्यायामले फिटनेसलाई बोझ होइन, रमाइलो अनुभवमा बदलिदिन्छ । कार्यक्रममा सहभागी एक युवतीले भनिन्, “यहाँ आएपछि व्यायाम गरिरहेको जस्तो नै लाग्दैन, पूरै रमाइलोसँग फिटनेस भइरहेको अनुभूति हुन्छ ।”

किन टुसाल मल्टिभेन्यू नै?

काठमाडौं उपत्यकामा स्विमिङ पूल भएका स्थानहरू धेरै भए पनि, एक्वा जुम्बा, पूल पार्टी र फिटनेस गतिविधिका लागि आवश्यक सम्पूर्ण सुविधा भएको स्थान भने सीमित छन् । यही कारण अहिले टुसाल मल्टिभेन्यू फिटनेस समुदायको पहिलो रोजाइ बन्न थालेको छ ।

यहाँ फराकिलो र आकर्षक स्विमिङ पूल, सफा तथा शान्त वातावरण, आधुनिक सेटअप, पर्याप्त पार्किङ स्पेस र इभेन्टमैत्री पूर्वाधार उपलब्ध छन् । यही कारण विभिन्न फिटनेस समूह, जुम्बा कम्युनिटी तथा युवापुस्ताले आफ्ना कार्यक्रमका लागि टुसाललाई प्राथमिकतामा राख्न थालेका छन् ।

टुसाल मल्टिभेन्यू केवल एक्वा जुम्बामै सीमित छैन । यहाँ पूल पार्टी, लाइभ म्युजिक, बर्थडे सेलिब्रेसन, कर्पोरेट मिटिङ, पारिवारिक जमघट तथा विभिन्न सामाजिक कार्यक्रम आयोजना गर्न सकिने सुविधा उपलब्ध छ । आधुनिक रेस्टुरेन्ट, पार्टी स्पेस, जिम, साउना, स्टिम, स्पा र ज्याकुजीले यहाँ आउनेहरूलाई रिसोर्ट शैलीको अनुभव दिलाउने गरेको छ ।

फिटनेस र लाइफस्टाइलको नयाँ हब

टुसाल मल्टिभेन्यू व्यवस्थापनका अनुसार आगामी दिनमा नियमित एक्वा फिटनेस कार्यक्रम सञ्चालन गर्ने तयारी भइरहेको छ । प्रशिक्षित प्रशिक्षक, विशेष म्युजिक सेसन र व्यवस्थित तालिकासहित एक्वा जुम्बालाई अझ व्यावसायिक रूपमा विस्तार गर्ने योजना बनाइएको छ ।

व्यस्त जीवनशैलीबाट केही समय निकालेर स्वास्थ्य, मनोरञ्जन र मानसिक ताजापन खोज्नेहरूका लागि अहिले टुसाल मल्टिभेन्यू नयाँ गन्तव्य बन्दै गएको छ ।

एक्वा जुम्बादेखि पूल पार्टीसम्म, फिटनेस र फनलाई एउटै स्थानमा अनुभव गर्न चाहनेहरूका लागि टुसाल मल्टिभेन्यू अहिले काठमाडौंकै आकर्षक ‘लाइफस्टाइल डेस्टिनेशन’ का रूपमा उदाइरहेको छ ।