काठमाडौं । नेकपा (एमाले)का उपाध्यक्ष तथा पूर्वअर्थमन्त्री विष्णु पौडेलले दायर गरेको बन्दीप्रत्यक्षीकरणसम्बन्धी रिट निवेदनमा सर्वोच्च अदालतले विशेष अदालतमा विचाराधीन सम्पत्ति शुद्धीकरण मुद्दाको सक्कल मिसिल झिकाउन आदेश दिएको छ।

न्यायाधीशद्वय विनोद शर्मा र टेकप्रसाद ढुंगानाको संयुक्त इजलासले सुलभ अग्रवाल र दीपक भट्ट प्रतिवादी रहेको सम्पत्ति शुद्धीकरणसम्बन्धी मुद्दाको सम्पूर्ण मिसिल सर्वोच्च अदालतमा पेश गर्न विशेष अदालतलाई निर्देशन दिएको हो।

सर्वोच्च अदालतले सम्बन्धित मिसिल अध्ययन गरेपछि मात्रै रिट निवेदनमाथिको थप सुनुवाइ अघि बढाइने जनाएको छ।