काठमाडौं। गएको बुधबार रसुवाको भोटेकोशी नदीमा आएको बाढीमा परी ज्यान गुमाउनेको संख्या १ हजार २५२ पुगेको छ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार दिउँसो १२ बजेसम्म रसुवा, नुवाकोट, धादिङ, गोरखा, तनहुँ, नवलपरासी पूर्व, नवलपरासी पश्चिम र चितवनमा ती शव भेटिएका हुन्।

सबैभन्दा धेरै चितवनमा ३५५, नवलपरासी पूर्वमा २१८, नवलपरासी पश्चिममा २०८, नुवाकोटमा १७७ र रसुवामा १२७ शव भेटिएका छन्।

प्राधिकरणका अनुसार ११ हजार ९९३ जनाको उद्धार भएको छ भने ४ हजार २१६ जना अझै सम्पर्कविहीन छन्। बाढीमा घाइते भएका ५ हजार १३५ जनामध्ये ३०१ जना उपचारपछि डिस्चार्ज भएका छन्।

प्रभावित क्षेत्रमा खोज, उद्धार तथा राहत कार्य जारी छ। उद्धार तथा राहतमा २१ हजार ४०२ सुरक्षाकर्मी परिचालन गरिएको प्राधिकरणले जनाएको छ।