काठमाडौं । रसुवामा आएको भोटेकोशी बाढीबाट ज्यान गुमाउनेको संख्या १ हजार ३८५ पुगेको छ। बाढी आएको १७औँ दिनसम्म पनि ठूलो संख्यामा मानिस सम्पर्कविहीन छन्।

राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार बाढीपछि विभिन्न जिल्लामा गरी १ हजार ३८५ जनाको शव फेला परेको हो।

सबैभन्दा धेरै चितवनमा ३६४ जनाको शव भेटिएको छ। त्यस्तै नवलपरासी पूर्वमा २२८, नवलपरासी पश्चिममा २२२, नुवाकोटमा १९९, रसुवामा १८५, गोरखामा ७७, धादिङमा ७० र तनहुँमा ३८ जनाको शव फेला परेको प्राधिकरणले जनाएको छ। काठमाडौंमा उपचारका क्रममा दुई जनाको मृत्यु भएको छ।

बाढी तथा पहिरोका कारण अझै ५ हजार १३० जना सम्पर्कविहीन रहेको प्राधिकरणको तथ्यांक छ। घटनामा ३३७ जना घाइते भएका छन् भने उपचारपछि २६१ जना अस्पतालबाट डिस्चार्ज भएका छन्।

प्राधिकरणका अनुसार विपद्मा फसेका १३ हजार ६७६ जनाको उद्धार भइसकेको छ। उद्धार गरिएका तथा विस्थापितमध्ये नुवाकोटका होल्डिङ सेन्टरमा २ हजार ६१५ जना रहेका छन्। त्यस्तै रसुवामा ७७५ र धादिङमा २९५ जना रहेका छन्।

भोटेकोशी बाढी आएको १७ दिन बितिसक्दा पनि प्रभावित क्षेत्रमा खोजी, उद्धार तथा राहत वितरणको काम जारी रहेको प्राधिकरणले जनाएको छ।