काठमाडौं । नेपाली कांग्रेसको १५औँ महाधिवेशनबाट सहमहामन्त्री (महिलातर्फ) पदमा प्रतिमा गौतम निर्वाचित भएकी छन्। गौतम ५ हजार ११६ मत प्राप्त गर्दै सहमहामन्त्रीमा निर्वाचित भएकी हुन्।

यस पदका लागि गौतम र नानुमैया बास्तोलाबीच प्रतिस्पर्धा भएको थियो। निर्वाचन परिणामअनुसार बास्तोलाले १ हजार ५५४ मत प्राप्त गरिन्।

प्रतिस्पर्धामा गौतम र बास्तोला दुवै गत पुसमा सम्पन्न कांग्रेसको विशेष महाधिवेशनबाट केन्द्रीय सदस्य चयन भएका थिए।

कांग्रेसको १५औँ महाधिवेशनअन्तर्गत नयाँ नेतृत्व चयनका लागि पदाधिकारी तथा केन्द्रीय सदस्य पदमा निर्वाचन प्रक्रिया सञ्चालन गरिएको हो।