काठमाडौं।  नयाँ बानेश्वरस्थित पुरानो संसद भवनमा आयोजित कार्यक्रममा सरकारको विरोध जनाएपछि जेन–जी आन्दोलनका घाइते पवन खड्कालाई प्रहरीले नियन्त्रणमा लिएको छ।

गृहमन्त्रीसहित विभिन्न मन्त्रीहरूको सहभागिता रहेको कार्यक्रममा खड्काले आन्दोलनका घाइते तथा प्रभावितका विषयमा सरकारले पर्याप्त काम नगरेको भन्दै आवाज उठाएका थिए।

आफूलाई आफ्ना धारणा राख्न दिनुपर्ने माग गर्दै उनले कार्यक्रममा सरकारको ध्यानाकर्षण गराउने प्रयास गरेका थिए। त्यसक्रममा सुरक्षाकर्मीले उनलाई कार्यक्रमस्थलबाट बाहिर निकालेर नियन्त्रणमा लिएको बताइएको छ।

खड्का गत वर्ष भएको जेन–जी आन्दोलनका क्रममा घाइते भएका व्यक्ति हुन्। उनले आन्दोलनका घाइतेहरूको उपचार, राहत तथा पुनर्स्थापनालगायतका विषयमा सरकारको ध्यानाकर्षण गराउँदै आएका छन्।

घटनापछि सुरक्षाकर्मीले उनलाई कार्यक्रमस्थलबाट बाहिर लगेको जनाइएको छ। उनको नियन्त्रणको कारण र त्यसपछि गरिएको कारबाहीबारे थप विवरण सार्वजनिक हुन बाँकी छ।