काठमाडौँ।  नेपाल प्रिमियर लिग (एनपीएल) क्रिकेटको तेस्रो संस्करणअन्तर्गत आज लुम्बिनी लायन्स र काठमाडौं गोर्खाजबीच प्रतिस्पर्धा हुँदैछ।

कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा हुने खेल साँझ ५ बजे सुरु हुनेछ।

दुवै टोली आजको खेल जित्दै प्रतियोगितामा आफ्नो स्थिति थप मजबुत बनाउने लक्ष्यसहित मैदान उत्रनेछन्।

चार खेल खेलेको लुम्बिनी तीन जित र एक खेलमा अंक बाँड्दै ७ अंकसहित तालिकाको शीर्ष स्थानमा छ। यता, तीन खेल खेलेको काठमाडौं दुई जित र एक हारसहित ४ अंक जोडेर चौथो स्थानमा रहेको छ।

एनपीएलका अघिल्ला संस्करणमा यी दुई टोलीबीच तीन पटक प्रतिस्पर्धा भएको छ। जसमा काठमाडौंले दुई खेल जित्दा लुम्बिनीले एक खेल आफ्नो पक्षमा पारेको छ।